Sólin kemur alltaf upp

Í gær óskaði Kristján Möller samgönguráðherra eftir heimild í fjáraukalögum vegna vegspotta sem ríkið kostaði og lagði að vatnssmiðju Jóns Ólafssonar austur í Ölfusi. Í dag vísar Héraðsdómur máli ákæruvaldsins á hendur Jóni og félögum hans, vegna meintra skattalagabrota frá dómi, þar sem þeim hafi þegar verið gerð refsing. Óhætt er því að segja að eftir mörg mögur ár sé hagur Jóns að vænkast. Sólin er aftur kominn upp og það þegar aðeins fimm dagar eru í vetrarsólstöður.  Á erfiðleikatímum þarf þjóðin menn eins og Jón; sem eru hugumstórir og víla ekki fyrir sér að klífa þrítugan hamarinn.  

Skattamáli Jóns vísað frá

Athugasemdir

[Jón spæjó (IP-tala skráð) 17.12.2008 kl. 12:37]

Þessi maður er náttla ekkert nema glæpamaður.

70.000 kr. á mánuði... já sæll!

[Árni Gunnarsson, 17.12.2008 kl. 16:53]

Glæpamaður! "Hvenær drepur maður mann?" Sá sem tekur slaginn í hinum harða heimi viðskiptanna verður að hafa dálítið sigg á sálinni. Sá sem hefur fé af venjulegu launafólki sér til ábata og notar lygi eða sviksemi af einhverjium toga má kallast glæpamaður fyrir mér. Ég hef aldrei séð manninn nema á sjónvarpsskjá og engin samskipti við hann haft. Hann er ákærður fyrir skattalagabrot og var sýknaður. Ekki þekki ég forsendur ákærunnar né dómsins. En Jón er afreksmaður í viðskiptum og gangi það eftir sem hann áformar í þessu útflutningsmáli þá hefur hann rutt brautina fyrir vistvæna nýtingu á auðlind sem við eigum í miklum mæli og þurfum svo sannarlega að nýta okkur.