Óhamingja Sullenberger

Á krepputímum þurfum við bjartsýnismenn. Íslendingar munu ekki sigrast á þeim vandamálum sem nú eru uppi, nema dugandi fólk leggi á brattann og fikri sig upp þrítugan hamarinn. Á hinn bóginn er afleitt upplegg, að fara út í viðskipti með hefnd að leiðarljósi og til höfuðs einstaka mönnum; það er Baugsfeðgum. Sé lagt upp í för með óhamingjunni einni verður útkoman eftir því. Af hálfu Sullenberger væri trúverðugt að segjast ætla í bísness, einfaldlega til að græða peninga og verða stór og sterkur. Vafasamt að nú sé rétti tíminn til að opna verslun; sbr. að í haust setti Bauhaus fyrirætlanir sínar þar um á ís og staða margra kaupahéðna virðist býsna bág. 

Hyggst stofna lágvöruverðsverslun

Athugasemdir

[Bjarni Hallsson (IP-tala skráð) 14.12.2008 kl. 18:09]

Ég mun versla hjá Jóni Gerald Sullenberger ef hann lætur verða af því að koma hér á fót lágvöruverslun, kominn tími ál að þjóðin geti verslað við aðra enn Bónusfeðga í lágvöruverslun.

Hvað varðar tal um hefnigirni þá er það óttalega barnalegt kvak.

Ef rangt er gert á þinn hlut, mundir þú þá ekki koma því á framfæri og einnig lýsa því hvernig fyrir þjóðinni hverskonar siðferðiskennd býr þar að baki slíks aðila um mál sem varðar þjóðina, þar sem þú fékkst nóg af yfirgang þess aðila ? 

Hið kristilega hugtak að bjóða hinn vangan gengur ekki alltaf upp t.d er nauðgun nauðgun.

[linda (IP-tala skráð) 14.12.2008 kl. 20:15]

Ég er fylgjandi þessu. Ekki veitir af.

[Sigurður Bogi Sævarsson (IP-tala skráð) 14.12.2008 kl. 20:36]

Bjarni! Er algjörlega sammála þér um að við eigum að láta í okkar heyra, sér gert á okkar hlut og það hefur Jón Gerald svo sannarlegta gert. En hvort hann getur launað Baugsfeðgum rauðan belg fyrir gráan með því að stofna verslun til höfuðs Bónus er bara allt annar hlutur - enda þótt ég myndi fagna samkeppninni.